Mulak tu Huta 1433 H
Bukittinggi-Ujung Gading-Talu-Panti-Bukittinggi
Pasimpu Barang @Bukittinggi Kamis, 16-8=2012
Sude baya madung dipasiap umak nami mulai borngin on. Anggo baju-baju dohot tirompa arrayo nami madung dipamasuk umak i doi tu bagasan ni tas. Inda lupa museng baju arrayo untuk nenek. Dohot ma au rap anggi ibotoki manggaor rondang manuk anso ulang lokot boti mosok. Ning umak rondang on dipamasak harana napayahan hami anakna on mangan anggo dung sampe di huta. Anggo au umak gule torung i pe dibaen madung asi mei hulala namangani hehehe. Alale baya dompak asik mamasak rondang mate muse lampu dibaen PLN on. Nda sadia leleng tarbege ma soara sirine motor pemadam kebakaran pahae pahulu. Kaluar ma antong sude penghuni kompleks perumahan nami on. Donok do tong sian kompleks nami on kajadianna. I ma di kompleks perumahan guru sd di balakang Hotel Pusako. “ondeh harumnyo leh, alah masak randang ibuk”, ning jiren nami rapkon umakku.
Adong do saotik na solot di rohakkon. Biasona ditelpon umak mai tu huta mangalehen barita bahaso hami nagiot mulak tu huta. Tai borngin on inda songon na biaso. SMS ni etek do na parjolo ro manyapai ampot lalu do hami mulak. Songon i ma baya e harana madung jumolo mamak (tulang) nami i. Manombo mamak i do baya na rajin manjalaki manuk get koyokon di ari rayo.
Keta bo @Bukittinggi jumat 17-8-2012
Merdeka !!! Olo koum sadari on topat muse ari HUT RI ke-67. Marsobar de iba jolo saotik bah i nagiot pulang kampung on. Aso ??? Harana umak dohot ayah nami upacara manyogot i. PNS tong baya. Anggo hami anak na on dung ready ma di jolo ni TV giot manonton upacara sian Istana Merdeka. Adong saotik rasa banggaku harana tema peringatan HUT RI taon on BATAK. Inda katinggalan muse Gordang Mandailing dohot ulos nai hahe.
Sumabayang Jumahet ma jolo hami alaklai on kan baru marangkat. Aha dope dung sidung dipanek barang-barang tu bagasan motor, halak nai muse doma disusun kikikikik :p Inda lupa kan mangido maaf lahir bathin jolo tu jiren-jiren na di siamun, siambirang, dohot na di jolo.
Mapanjang tu naron caritonta anggo hutulis sude bia keadaan sapanjang pardalanan nami kan. Eh kan hampir lupa au. Jalur mudik on Bukittinggi-Kelok Ampek Puluah Ampek (Danau Maninjau)- Simpang Ampek Pasaman Barat- Ujung Gading.
Adong sajom nai waktu marbuko madung lopeh ma hami di Simpang Ompek. Dipesan ayah kian ma kan tempat marbuko di sada rumah makan Kapau. Dung i hami toruskon pardalanan tu Bandar Udara Laban. Diambang hami do nadeges hape songon lapangan terbuka do soni dikulilingi bona ni sawit. Alaleh nda pedo siap langa pembangunan nai. Tai dung kaluar ma barita bahaso dung bisa ma dimanfaatkon untuk penerbangan dohot pendaratan tu Padang. Saotik ari nai bisa muse tu Pakanbaru dohot Medan (via Aek Godang Sibolga). Ta doahon sajo ma rap marsabar be paintehonna.
Dapot ma kotu marbuko. Putar haluan ma motor nami tu rumah makan Kapau nangkinan. Lahap doma mangan nami baen malena. Dung i sumbayang hami di musholla balakang.
Perjalanan hami toruskon. Golap doma parnidaan anggo dung borngin ni ari. Tai rami do nian baen bahat i halak sumbayang tarawih. Apalagi daganak na maen mercun dohot kombang api. Hurang lobi sajam pardalanan sampe ma hami di huta.
On boto lalu do ning roangku na arrayo on. Sampe di alaman bagas nenek nami disambut dohot acara mangalame. Disolom koum sisolkot i patidahon godang ni roha.
tap on ma jolo tie, lain waktu hita sambung mulak hehehe J
tap on ma jolo tie, lain waktu hita sambung mulak hehehe J
